Athinë, 25 shtator, NOA - Greqia duhet të vazhdojë menjëherë me reformat e saj dhe kontrollin e barrës së borxhit, ose në të kundërt vendi do të ketë pasoja dramatike. Një fakt të tillë e ka paralajmëruar vetë guvernatori i Bankës Qendrore të Greqisë, Jorgos Provopoulos, gjatë një interviste për gazetën “Real Neës”, duke kritikuar tërthorazi qeverinë e Greqisë për zvarritjen e saj në zbatimin e këtyre reformave.
Z. Provopoulos, si e parashikoni të ardhmen e Greqisë pas këtyre momenteve të vështira që ajo po kalon?
“Të gjithë ne duhet të kuptojmë se jemi duke jetuar në momente historike. Rruga dhe e ardhmja e vendit, ka ardhur koha që të gjykohen. Ne ose duhet të vazhdojmë menjëherë me zbatimin e ndryshimeve themelore strukturore dhe me kontrollin e dinamikës së borxhit publik, ose ne do të ballafaqohemi me zhvillime dramatike”.
Po masat e zbatuara deri tani?
"Deri tani, ne jemi zvarritur së bashku me zhvillimet dhe kemi treguar se ne nuk besojmë në reformat. Por se jemi të detyruar të miratojmë masat që na janë imponuar nga jashtë. Por ne dhet ta marrim vetë në dorë frontin e zhvillimeve. Jo, sepse kreditorët tanë e kërkojnë atë, por sepse ne vetë duam të ndryshojë drejtimi i vendit”.
Konkretisht, çfarë sugjeroni?
"Ne kemi për ta thyer këtë rreth vicioz. Ne duhet të përqendrohemi në reformat radikale në sektorin publik, për të eliminuar faktorët që vazhdimisht gjenerojnë deficite dhe borxhe. Dhe nëse Greqia nuk zbaton tregjet e reformave, ajo do të mbetet mosbesuese. Përfundimi i një auditimi të portofolave të huave të bankave greke, nga Solutions Blackrock, do t’i ndihmojë ato të rifitojnë qasje në fondet e tregut. Transparenca në lidhje me bilancet e tyre absolute do t’u lejojë bankave tona t’u rikthehen me të shpejtë tregjeve dhe të rivendosin aftësinë e tyre për fonde".
Përshtati: n.e/NOA
