Britani e Madhe, 27 Shtator NOA - Sigurisht që në shoqërinë publicitare të BBH diçka do të ndodhë. Kjo pasi në selinë e British Airways, që ka komisionuar ndërmarrjen për një spot hollivudian që ka kushtuar 23 milionë euro, shihet se askush nuk i ka “kapërdirë” imazhet e rivalëve të “Virgin Airlines”, të Sir Richard Branson. Me sa duket, “copyrighter-at” angleze kanë zgjedhur një video me një Boeing 747 të konkurrentëve, duke ndryshuar shkrimin, por duke harruar të fshijnë kodin e avionit. Më të kujdesshmëve ky detaj nuk u ka shpëtuar dhe kontrollet që janë kryer mbi atë “G-VGAL” të avionit i kanë dhënë të drejtë këtyre personave. Boeing është një Jumbo Virgin i ndërtuar në Mançester. Të padobishme në këtë mënyrë efektet speciale, pasi gafa e realizuar është shumë më e madhe se gjithçka tjetër në këtë spot. Këtë herë do jetë tepër e vështirë që krijuesit e denjë të BBH ta kalojnë situatën me ndonjë justifikim. r.b/NOA
