Tiranë, 28 shtator 2011, NOA- Një zjarr ka përfshirë katin e gjashtë të godinës së një universiteti privat në Tiranë. Ngjarja në fjalë ka ndodhur në rrugën Jordan Misja, afër Gjykatës së Krimeve të Rënda. Sakaq mësohet se menjëherë pas sinjalizimit për këtë rast në vendngjarje mbërritën forcat zjarrfikëse, të cilat po punojnë për vënien nën kontroll të flakëve të zjarrit, ndërsa është sinjalizuar vatra e tij. Gjithsesi nuk bëhen ende të ditura arsyet e rënies së zjarrit, ndërsa forcat e policisë kanë mbërritur në vendngjarje dhe po punojnë për zbardhjen e rastit. a.y/NOA
