Lushnje, 4 tetor 2011, NOA – Një konflikt për motive të dobëta ka shënuar plagosjen e rëndë me thikë të një 43-vjeçari nga fshati Ngurrës e Vogël në qytetin e Lushnjes. 43-vjeçari mësohet se po lufton me vdekjen, ndërsa autori i plagosjes është ende i lirë. Policia e Lushnjes bën me dije se autori i plagosjes është 21-vjeçari Marildon Behar Gjata, banues në fshatin Ngurrës e Vogël në Lushnje. Sipas policisë Marildon Gjata u shpall në kërkim rreth orës 19:30 të mbrëmjes së të hënës pasi plagosi me thikë për motive të dobëta bashkëfshatarin e tij, shtetasin Qerim B. 43 vjeç. Uniformat blu të qytetit të Lushnjes po punojnë për kapjen e autorit të ngjarjes. Marildon Gjata akuzohet për veprat penale të plagosjes së rëndë me dashje dhe për prodhim dhe mbajtje pa leje të armëve të ftohta. mit/NOA
