Tiranë, 5 tetor 2011, NOA- (Update) Në vijim të fjalës së tij gjatë mbledhjes së qeverisë Kryeministri Berisha theksoi se do të zhbllokohen lejet e shfrytëzimit. Sipas tij ky është një premtim i dhënë nga kryebashkiaku Lulzim Basha dhe ai do të bëhet realitet. Berisha tha se do të zhbllokohen pallate, ndërtime që në total vlerën e detyrimeve të tyre kontribuojnë me 700- 800 milionë euro. Ai shtoi se ky është vetëm detyrimi i tyre i bllokuar për shkak të burokracisë së bashkisë së mëparshme, por po të kihet parasysh efekti kolateral leverdia është dhjetëra herë më e madhe. Ndër të tjera ai u kërkoi ministrave që të gjitha pronat e pakthyera në të gjitha bashkitë e vendit nga Konsipoli deri në Bajram Curr duhet të kthehen me urgjencë. Kryeministri Berisha theksoi se ndonëse këto prona janë të pakta, pronat që u takojnë bashkive dhe komunave duhet tu kalojnë atyre. a.y/NOA
Në foto: Kryeministri Sali Berisha
