Zvicër, 5 tetor 2011, NOA/ Albana Qehajaj – Dik Marti tërhiqet nga politika dhe që prej ditës së nesërme humbet edhe imunitetin. Lajmi vjen nga mediat zvicerane të cilat bëjnë të ditur se politikani dhe anëtari i Këshillit të Evropës, Dik Mari, këtë të enjte do ta ketë ditën e fundit në politikën evropiane. Sipas këtyre mediave, Marti ka vendosur të tërhiqet jo vetëm nga delegacioni zviceran i Këshillit të Evropës, por edhe nga politika zvicerane për t`u kthyer në Tessin të Zvicrës, pas 13 vitesh në Strazburg. Vendimi, për të cilat ende nuk dihen arsyet vjen në prag të fillimit të hetimeve për akuzat e tafikimit të organeve në Kosovë. Dik Marti është i njohur për raportet e tij të famshme për të ashtuquajturat Burgje të CIA-s në Evropën e Mesme dhe Lindore dhe mbi të gjitha për raportin e tij të famshëm për të ashtuquajturën tregti me organe në Kosovë. Aiimplikon drejtpërsëdrejti e edhe kryeministrin e Qeverisë së Kosovës Hashim Thaçin, ndërsa i ka thënë gazetës së njohur zvicerane Neue Zuercher Zeitun se pret që të zbardhet edhe ky rast. a.q/NOA
