Istog, 6 Tetor 2011 NOA – Sherri mes dy serbëve në një fshat pranë Istogut ka degjeneruar në plagosjen e njërit prej tyre dhe arrestimin e tjetrit. Gjithçka ka ardhur për shkak të konfliktit për pronën mes dy fqinjëve serbë, raporton korrespondenti i agjencisë NOA. Incidenti ka ndodhur në orën 17.50 të pasdites së sotme, në fshatin Bellopojë në Istog kur një shtetas serb pas një mosmarrëveshjeje lidhur me një pronë të përbashkët, ka kanosur me sëpatë fqinjin po ashtu serb. Në precipitim e sipër të situatës, serbi ka rrëmbyer një tjetër mjet të fortë, hanxhar dhe me të ka sulmuar viktimën me ç’rast i ka shkaktuar lëndime trupore. Viktima është dërguar në spitalin lokal ku po i nënshtrohet kujdesit mjekësor, kurse me urdhër të prokurorit i dyshuari dërgohet në mbajtje. a.b/NOA
