Prishtinë, 6 Tetor 2011 NOA – Tre të rinj, dy vajza dhe një djalë, kanë zgjedhur bibliotekën kombëtare të kryeqytetit për të shitur lëndë narkotike. Por në shitblerjen e radhës që po realizonin, janë pikasur nga agjentët antidrogë dhe janë shoqëruar në polici. Lajmi bëhet i ditur për agjencinë NOA, nga burime zyrtare të policisë së Prishtinës. Ata thanë se gjatë mesditës, tek biblioteka Kombëtare Universitare janë ndaluar dy vajza dhe një djalë, pasi gjatë kontrollit në çantën e njërës nga të dyshuarat janë gjetur 14 qese me 25 gramë marihuanë të cilat janë konfiskuar. Policia tha se me urdhër të prokurorit të dyshuarit janë liruar në procedurë të rregullt, por hetimi ndaj tyre do të vazhdojë. a.b/NOA
