Rostov, 8 tetor, NOA - Rusia do t’i akordojë botës sërish një sasi të madhe gruri nga rezervat e saj, duke mbetur kështu eksportuesja më e madhe e këtij produkti bazë jetësor. Një fakt i tillë është përmendur në Konferencën Ndërkombëtare që Rusia mbajti para pak ditësh në qytetin e saj Rrostov, mbi problematikën e furnizimit me grurë.
Mësohet se pjesëmarrës në këtë konferencë kanë qenë më shumë se 200 pjesëmarrës nga 15 vende të botës, prodhues të grurit, mes tyre edhe Shqipëria. Aktiviteti i organizuar nga Ministria ruse e Bujqësisë dhe Ushqimit, u tha se pothuajse një të katërtën e pjesëmarrësve e kishte nga delegacioni turk i përbërë nga rreth 50 persona, Egjipti me më shumë se 20 përfaqësues të kompanive të grurit vendas, si edhe pjesëmarrës nga Shtetet e Bashkuara, Ukraina, Libia, Kazakistani, Jordani, Zvicra, Shqipëria, Emiratet e Bashkuara Arabe etj.
Siç bëjnë me dije mediat ruse, Konferenca diskutoi parashikimet e prodhimit të drithërave në Rusi dhe perspektivat për eksportet e grurit, si edhe aplikimin e teknologjive moderne në ruajtjen, prodhimin dhe transportimin e drithërave dhe produktet e tyre të përpunuara. Nga ana e tij, zv/miinistri i Bujqësisë rus, Ilya Shestakov vuri në dukje se Rusia këtë vit mund të eksportojë 20-22 milion ton grurë. Ministria theksoi ai, pohon se situata në tregun e brendshëm të grurit, është e qëndrueshme.
Ndërsa zv/kryeministri rus Zubkov, i cili është në krye të kompleksit agro-industrial në qeverinë ruse tha se gjendja e këtij viti është shumë më e mirë se në vitin 2010.
Faktori kryesor në stabilizimin e çmimeve të drithërave në pjesën evropiane të Rusisë e ka bërë aktiv eksportin e grurit. Sipas Ministrisë së Bujqësisë, korrjes kokërr këtë vit do të jetë 90 milion ton në peshë pas përpunimit, sipas RF Mbjellja e kulturave të dimrit në Rusi është bërë në një zonë prej rreth 8.3 milion hektarësh (46.5 përqind). Është planifikuar që të mbillen rreth 17.800.000 hektarë, e cila është në nivelin e viteve të fundit.
n.e/NOA
