Madrid, 8 tetor NOA - Dy javët e skualifikimit për gishtin që i ka futur në sy në Vilanova, janë të fundit në karrierën e teknikut portugez Hose Murinjo. E përditshmja spanjolle Mundo Deportivo ka arritur të kryejë një përmbledhje të gjitha ndeshjeve në të cilat “Special One” është ulur në pankinë. Numërohen plot njëzet raste mes Portugalisë, Anglisë, Italisë dhe Spanjës. Megjithatë e dhëna që befason më shumë është totali i gjobave që ka arritur çdo vit Murinjo. Një shifër që kap vlerën e 800 mijë eurove dhe që duhet thënë se tekniku portugez nuk e ka pasur problem ti paguajë, duke parë pagat e tij në klubet respektive që ka drejtuar. r.b/NOA
