Ankara, 8 tetor, NOA – Presidenti i vendit, Bamir Topi do të zhvillojë një vizitë në Turqi në datat 10 dhe 11 tetor. Lajmi është bërë i ditur nga Zyra e Shtypit e Presidentit turk, Abdullah Gul. Zëdhënësi i Presidentit turk ka thënë për mediat, se vizita e kreut të shtetit shqiptar ka qenë e përcaktuar prej kohësh. Topi do të marrë pjesë në takimin e Këshillit të Biznesit mes dy vendeve, si dhe do të zhvillohen takime mes dy delegacioneve. Në qendër të takimeve mes dy presidentët do të jenë marrëdhëniet mes dy vendeve dhe zhvillimet në rajon, ka thënë zëdhënësi i Presidentit turk. a.k/NOA
