Tiranë, 12 tetor 2011, NOA- Policia e kryeqytetit arrestoi një shofer autobusi pasi ky i fundit aksidentoi një kalimtare. 33 vjeçari Xhevdet Sallaku, lindur dhe banues në Tiranë u prangos nga policia pasi dje në Rrugën e Barrikadave, duke drejtuar autobusin me targa Tr. 9325 S, duke qarkulluar nga kryqëzimi i Rrugës së Dibrës në drejtim të qendrës, ka aksidentuar shtetasen Mine Vula 61 vjeç, e cila ka qenë pasagjere në autobus. Pas aksidentimit 61 vjeçarja u dërgua me urgjencë në gjendje të rëndë shëndetësore dhe ndodhet e shtruar në sallën e reanimacionit. Ndërkaq ndaj 33 vjeçarit nisën hetimet për veprën penale, të Shkeljes së rregullave të qarkullimit rrugor. a.y/NOA
