Tiranë, 16 tetor, NOA – Kryeministri Sali Berisha e ka cilësuar figurën e Papa Gjon Palit II si mik të shqiptarëve. Deklarata e kreut të qeverisë u bë sot gjatë ceremonisë së inaugurimit të ekspozitës së hapur për nder të Papa Gjon Palit II në ambientet e Qendrës Sociale, “Don Bosko” në Tiranë.
“Gjon Pali II ishte papa i lirisë. Ai ishte një mik i shqiptarëve dhe çdo ditë lutej për Shqipërinë”, tha Berisha. Eskpozita pasqyronte vizitën e Papës në vitin 1993 në Shqipëri. Në ceremoni ishin të pranishëm Ministri i Kulturës së Polonisë dhe ambasadorja polake në vendin tonë.
Pas fjalës së rastit, Kryeministri nuk pranoi të bënte komente politike, duke ju përgjigjur interesit të gazetarëve me fjalët; “sot jam në nderim të njërit prej burrave më të mëdhenj të të gjitha kohërave”.
a.k/NOA
