Nju Jork, 16 tetor, NOA – Bëhuni të gjithë gati për të ashtuquajturin Fundi i Botës, pasi ai do të mbërrijë fiks pas 5 ditësh, në datën 21 tetor të këtij viti. Të paktën kështu ka parashikuar Harold Camping, një ish-inxhinier i njohur amerikan cili bëri xhiron e botës me teoritë e tij të llogaritjes së Apokalipsit sipas Biblës. Llogari që sipas tij përkojnë ekzaktësisht me javën që vjen.
Konkretisht, sipas leximit matematikor që ai i ka bërë Biblës, i bie që bota të përfundojë së ekzistuari më 21 tetor 2011.
89-vjeçari Harold Camping, shefi i rrjetit “Radio Family” rrjetit, i cili u shtrua në spital qershorin e kaluar për një goditje në zemër, tha se ndërsa Toka do të shkatërrohet, të zgjedhurit e Zotit do të ngjiten në qiell duke kaluar çdo dhimbje.
Llogaritja e Apokalipsit sipas tij, është i bazuar në një lexim matematikore të Biblës: Data e kryqëzimit të Jezusit është vendosur më 1 prill 33. Shumëzuar dy herë secili nga tre numrat e shenjtë 5, 10 dhe 17 ju do merrni shifrën 722.500. Këto janë sipas tij, pikërisht ditët në mes të vdekjes së Jezusit dhe fundit të botës dhe do të bjerë saktësisht më 21 tetor 2011. Camping e ka konfirmuar këtë teori në një mesazh audio të lëshuar së fundmi: "Ne mund të jemi të sigurt se e tërë bota do të shkatërrohet më 21 tetor", ka thënë ai.
n.e/NOA
