Tiranë, 18 Tetor 2011, NOA- Kryetari i Partisë Socialiste, Edi Rama është përfshirë së fundmi në debatin mes Presidentit të vendit Bamir Topi dhe kryeparlamentares, Jozefina Topalli për përdorimin e dialektit verior. Kreu i PS-së ka zgjedhur të reagojë me anë të rrjetit të tij social “Twitter” duke u pozicionuar në favor në Presidentit mbi gjuhën e përdorur nga kryetarja e Kuvendit. “Jozefina thotë flas si Koliqi pse është nga Shkodra, kësaj i thonë që Enveri shkruante si Kadareja meqë qe nga Gjirokastra!”, shkruan Edi Rama në adresën e tij personale në rrjetin social “Twiter”. e.t/NOA
