Durrës, 23 tetor 2011, NOA - Ambasadori turk në Tiranë Ahmet H. Asan ka vizituar ekuipazhin e anijes ushtarake "Barbaros", e cila prej 4 ditësh vazhdon operacionin e kërkim shpëtimit për të gjetur trupat e zhdukur të marinarëve turq të fundosur në det me anijen e tyre “Reina 1”. Diplomati tuk në Tiranë ka thënë se shkak i fundosjes së shpejtë të anijes “Reina 1”, pas përplasjes së saj me tragetin "Ankara" rreth 20 milje nga brigjet e Durrësit, është bërë ngarkesa, pasi 3 mijë ton alumin kanë ndikuar në çarjen e shpejtë të anijes. Ambasadori turk në Tiranë ka falenderuar autoritetet shqiptare për gatishmërinë e dëshmuar. Diplomati turk ka konfirmuar se pasi të furnizohet me ushqime dhe karburant, anija e flotës detare turke do të rinisë sërish kërkimin për 8 trupat e marinarëve të zhdukur. a.q/NOA
