Vlorë, 24 tetor 2011, NOA - Në Qarkun e Vlorës u zhvilluan sot zgjedhjet për Kryetarin e Këshillit të Qarkut, ku Partia Demokratike arriti një fitore shumë të thellë. Sipas zyrës së shtypi të Partisë Demokratike, nga 59 anëtarë që janë pjesë e Këshillit të Qarkut të Vlorës, 37 prej tyre ia besuan drejtimin e tij kandidatit të Partisë Demokratike, Anesti Dhimojani.
Anesti Dhimojani është zgjedhur me 37 vota pro, përballë kandidates nga “Aleanca për të ardhmen” Brunilda Mersini, e cila ka marrë 22 vota. “Aleaca për Qytetarin” ka arritur kështu një fitore shumë të thellë në qarkun e Vlorës, duke e çuar në 10 numrin e qarqeve që drejtohen nga përfaqësuesit e mazhorancës nga 12 qarqe që ka gjithsejt vendi”, thuhet në njoftimin për shtyp të Partisë Demokratike. a.q/NOA
