Tiranë, 25 tetor 2011, NOA – Ministri për Inovacionin dhe TIK, Genc Pollo vlerësoi nismën e ILDKP-së për verifikimin e pasurisë së ministrit, pas akuzave të deputetit socialist Taulant Balla. Në një prononcim për mediat, zëdhënësja e ministrit Pollo, tha se “e mirëpresin nismën e ILDKP-së për të verifikuar llafet e Taulant Ballës”. “Shpresojmë se kjo nismë, si edhe procesi gjyqësor për shpifje do të përcaktojnë faktet dhe të vërtetën. Ato janë rrugët e përshtatshme për të trajtuar gojëlëshuarinë e fjalëndyrësinë e Taulant Ballës, Edi Ramës dhe rastet e bizneseve ekskluzive që paguajnë për interpelanca”, deklaroi zëdhënësja e ministrit Pollo. a.q/NOA
