Athinë, 25 tetor, NOA - 28.5% e degëve bankare që funksionojnë në Shqipëri aktualisht, u takojnë filialeve të bankave greke. Ndërkaq, 21.6% e kuadrit bankar është i punësuar në bankat greke. Këto janë të dhënat më të fundit të komunikuara nga Unioni i Bankave Shqiptare, cituar edhe nga mediat greke, si përshembull agjencia e lajmeve ANA. Ato tregojnë më tej se filialet e bankave greke që veprojnë në Shqipëri në vitin 2010, kontrollonin 24.4% të vlerës së totalit të elementeve aktive të tregut bankar në Shqipëri. Bëhet fjalë për një vlerë prej 1.7 miliardë eurosh si edhe 20.6% të totalit të vlerës së depozitave.
“Bankat greke që kanë filiale bankare dhe degë në Shqipëri janë:
Alpha Bank (48 degë), filiali i Bankës së Pireut; Tirana Bank, (49 degë). Gjatë vitit 2010 kjo bankë vuri ne funksionim edhe tre agjenci të reja, Banka Kombëtare Greke (5 degë). Rrjeti i kësaj banke përbëhet nga 25 agjenci dhe Banka Emporiki (që i përket francezes Credit Agricole), ka 13 degë dhe 11 agjenci.
Gjatë vitit 2010, kjo bankë e shtoi aktivitetin e saj me 3 degë dhe 1 agjenci”, citon më pas ANA. Duke përfunduar se sektori bankar në Shqipëri mori zhvillim në tre vitet e fundit.
“Një faktor për përmirësimin e autoritetit të tij, përbën vendimi i Bankës Qendrore Shqiptare për të rivendosur nivelin e normës së interesit bazë në kufijtë e marsit të 2011, domethënë në 5% nga 5.25% që ishte në fuqi me 4 tetor të këtij viti”, citon artikulli në fjalë.
Duke përfunduar se nga të dhënat e Unionit Bankar Shqiptar, të cilave u referohet në buletinin e tij zyra e Çështjeve Ekonomike e Tregtare e ambasadës së Greqisë në Tiranë, rezulton se në vitin 2010, tregu bankar në Shqipëri vazhdoi shtrirjen e tij edhe pse me ritme vjetore më të ulëta, krahasuar me vitet e tjera.
Zhvillimi i shërbimeve bankare kap vlerën 5% për bankat e mëdha dhe 18% për ato më të vogla.
n.e/NOA
