Durrës, 26 tetor 2011, NOA- Oficeri i SHISH i cili u gjet i pajetë në orët e para të ditës së djeshme, Isa Çopa, ende i ka mister rrethanat e vdekjes.
Çopa i cili u gjet i pajetë në plazhin e Currilave në Durrës, i djegur brenda makinës së tij tip Opel Corsa, u dyshua se mund të ishte vetëvrarë.
Por vetëm një ditë pas gjetjes së trupit të tij të djegur, zbardhen rrethanat e para të vdekjes së tij, fakte këto të dala nga ekspertiza.
Këto të dhëna flasin se 49 vjeçari Çopa ka qenë i dëmtuar në pjesën e kokës me mjete të forta dhe se vdekja e tij nuk ka ardhur nga arma e zjarrit.
Por menjë herë pas vdekjes së tij nga ana e policisë u hodhën dyshime për një vrasje të mundshme të tij, pasi u gjet një e çare në makinën e tij, e cila mendohet të jetë shkaktuar nga të shtëna me armë, ku dhe është gjetur edhe një gëzhojë pistolete dhe pistoleta.
Ndërkaq një e dhënë tjetër vjen pak para vdekjes së Çopës ku ai i ka dërguar një mesazh në celular djalit të tij ku shkruante: “Bëhu i fortë, ji gjithmonë krenar, mbështetu tek nëna jote. Çaje të ardhmen vetë”, dhe menjëherë pas kësaj telefoni i të ndjerit është gjetur i fikur.
a.y/NOA
