Lipjan, 30 Tetor 2011 NOA – Zemërim dhe gjendje shoku ka shkaktuar në rajonin e Lipjanit, një ngjarje e pazakontë ndodhur atje, ku një shtetas serb ka përdhunuar egërsisht një vajzë gjithashtu serbe.
Korrespondenti i agjencisë NOA raporton se ngjarja ka ndodhur dje në Lipjan dhe pas denoncimit të kryer nga prindërit e vajzës së abuzuar, është kryer arrestimi i të dyshuarit.
Burime zyrtare nga Policia e Kosovës i thanë agjencisë NOA se kanë arrestuar serbin 30 vjeçar, me akuzën e përdhunimit.
Nga hetimi doli se shtetasi serb ka sulmuar seksualisht viktimën femër serbe me të
meta fizike dhe në kushtet që ajo nuk mund të vetëmbrohej, e ka përdhunuar. Me urdhër te Prokurorit i dyshuari dërgohet në mbajtje, konfirmoi policia.
a.b/NOA
