New York, 30 tetor 2011, NOA- Tekat e motit janë shoqëruar me një stuhi dëbore, me të cilën po përballen këto ditë disa vende në Shtetet e Bashkuara të Amerikës.
Si rrjedhojë e kësaj stuhie janë regjistruar 3 viktima, ndërsa rreth 2 milionë familje kanë ngelur në errësirë ai rrjedhojë e dëmtimeve në rrjetin elektrik.
Shtetet e New York, New Jersey, Konnektikat dhe Massachusetts kanë deklaruar gjendjen emergjencës, ndërsa për sot janë lajmëruar dhe priten reshje të reja dëbore.
Në Konnektikat një burrë gjeti vdekjen si pasojë e një incidenti prej akullit në rrugë, ndërsa në Pensilvani një 84 vjeçar gjeti vdekjen pasi u tërhoq nga një masiv dëbore e cila ra nga një pemë mbi banesën e tij. Viktima e tretë e reshjeve dhe stuhive është një 20 vjeçar, i cili humbi jetën si pasojë e një rrufeje të rënë në Massachusetts.
Shumë pemë, shkurre dhe shtylla të linjave të energjisë elektrike u rrëzuan si pasojë e dëborës, 600 prej tyre vetëm në New York. Lidhur me këtë situatë autoritetet bënë zhbllokimin e rrugëve si dhe këshilluan që të mos shkohet në parqe deri sa stuhia të mos ketë kaluar.
a.y/NOA
