Tiranë, 31 tetor 2011, NOA - Pas vendimit të 3 ekspertëve shqiptarë për ta cilësuar jo origjinale videon mes ish-kryeministrit Ilir Meta dhe ish-ministrit të Ekonomisë Dritan Prifti, ka reaguar vetë Prifti. “Videoja u bë nga ora, ishte origjinale, kjo është një provë e padiskutueshme. U njoha me vendimin e ekspertëve dhe mendoj se ata mbrojtën Ilir Metën para gjykatës. Me këtë vendim turpëruan më shumë vendin, edhe pse nuk prisja që ata të thoshin të vërtetën. Duhet të bëhët një ekspertizë e re e kësaj videoje dhe këtë herë “Ekspertiza të bëhet nga një vend i BE”, tha Prifti. Ish-ministri i Ekonomisë u shpreh më tej se do vazhdojë luftën e tij antikorrupsion. "Drejtësia shqiptare sot ka humbur një betejë, jo luftën. Do jem i gatshëm ta çoj deri në fund luftën time antikorrupsion”, deklaroi ish ministri i METE-s.
a.q/NOA
