Tiranë, 1 Nëntor 2011 NOA – Edi Rama ka zbuluar sonte kopertinën e librit të tij “Kurban” i cili pritet të dalë në treg më 10 nëntor 2011. në qendër të kopertinës gjendet një qengj dhe titulli “Kurban” i librit, kurse në pjesën e pasme të kopertinës, një thikë me bisht druri dhe pika gjaku.
Po sonte, zbardhen edhe disa faqe të tjera të “Kurbanit” të Edi Ramës. Në to autori ndalet te greva e minatorëve ku flet për ngujimin që u përball me heshtjen e autoriteteve shtetërore.
Pak ditë më parë, kryetari i Partisë Socialiste Edi Rama publikoi një pjesë të parë të librit të tij “Kurban” i cili pritet të dalë në treg më 10 nëntor. Faqet e para të librit z.Rama i publiko ashtu si sonte, në faqen e tij të internetit (edirama.al). Në kopertinën e librit, shkruhet: “Për Tiranën me sytë e protagonistëve të 11 viteve të historisë së saj; për Shqipërinë siç është dhe Shqipërinë siç mund të jetë; Për aktorë të jetës politike dhe publike siç nuk i kemi parë asnjëherë më parë; dhe për vetveten siç nuk e kemi dëgjuar”. Botuesja e librit, Arlinda Dudaj duke folur për librin me mbi 400 faqe, pohon se z.Rama i jep përgjigje shumë pyetjeve mbi çështje që ka heshtur, ndaj mes rreshtash përmend emra. Siç tregon botuesja, Rama është frymëzuar për titullin e librit “Kurban” pikërisht nga kurbani që u bë ditën kur Lulzim Basha hyri zyrtarisht ne Bashkinë e Tiranës. Nga ana tjetër për Dudajn, libri do të duhet të vlerësohet edhe për gjuhën e rrëfimit.
“Kurban”, NOA nxorri faqet e para që bëri publike z.Rama
