Raguza, 2 nëntor 2011, NOA/ Arjola Ymeraj- Tre shqiptarë u arrestuan në Santa Croce Camerina nga efektivët e policisë të qendrës operative të Raguzës në Itali për vjedhje në situatë të rënduar, në ndërmarrjen ku punonin.
Në pranga përfunduan Blerim Korreshi 34 vjeç, Erman Kola 24 vjeç dhe Artur Rrasa 22 vjeç banues në Vittoria të cilët merreshin me agrikulturë në ndërmarrjen në fjalë, ndërsa nga verifikimet e policisë që të tre shqiptarët rezultuan të padënuar.
Në bordin e makinës së tyre tip Fiat, u gjetën mjete si pompë për heqjen e ujit, kompresorë dhe pajisje saldimi që nga saldatriçja dhe bateri si dhe pesticide të përdorura gjatë punës së tyre në ndërmarrjen e agrikulturës që në total kapnin vlerën e 20 mijë eurove.
Për këtë vepër tre shqiptarët u dërguan në ambientet e paraburgimit në Raguza.
a.y/NOA
