Beograd, 2 nëntor 2011, NOA- Kreu i delegacionit serb për bisedimet me Kosovën, Borislav Stefanoviç është shprehur se zgjidhjet për pikat kufitare në Jarinjë dhe Bërnjak janë shumë afër por se kjo zgjidhje duhet të jetë e favorshme edhe për serbët në Kosovë.
“Vetë zgjidhja është afër, por ajo nuk do të jetë ideale dhe disave nuk do t’u pëlqej”, u shpreh Stefanoviç, në fjalën e tij në Këshillin për Kosovën të Kuvendit të Serbisë.
Ai ka shtuar gjithashtu se dialogu me Prishtinën do të filloj së shpejti, pasi theksoi se kjo është e vetmja mënyrë për zgjidhjen e problemeve konkrete.
a.y/NOA
