Padova, 6 nëntor, NOA – “Çfarë janë shqiptarë, rumunë, moldavianë apo tunizianë, të gjithë përjashta”. Kjo ishte shprehja që u përdor ndaj emigrantëve të këtyre vendeve në Padova, në një klub nate të quajtur “Fabrika Club”, afër stacionit të trenit. Aty ku, çdo njeri është i mirëpritur, nëse nuk është moldav, rumun dhe tunizian, por sidomos shqiptar. Njëherë e një kohë, të hyje këtu përjashtoheshe nëse nuk ishe veshur me këpucë të drejta dhe këmishë. Dhe atëherë të gjithë duket se ranë dakord, pasi siguria dhe etiketa e klubeve duhet të mbrohet me çdo kusht. Për më tepër, zgjedhja e pronarit nuk shkelte ndonjë ligj. uk do të shkelin çdo ligj. Por dikush vendosi të shkojë më tej...
Dhe u vendos që klientët të zgjidheshin mbi bazën e linjave strikte raciale. Disa burra të fortë kontrollojnë tashmë hyrjen e këtij club-i për të parandaluar, në fakt, kalimin e grupeve etnike që nuk janë konsideruar "të pranueshme” nga menaxherët, ku futen të parët shqiptarët. Siç bëhet me dije nga mediat italiane, gjatë fundjavës së kaluar është shënuar precedenti i dy vajzave me origjinë nga Evropa Lindore, të cilat janë refuzuar keq vetëm për shkak të prejardhjes së tyre gjeografike.
Mësohet gjithashtu se shumë shqiptarë, janë revoltuar ndaj kësaj mase. Por sipas menaxherëve të këtij lokali, një masë e tillë shërben për të “mbrojtur veten e tyre”. "Ne jemi shumë afër stacionit - thotë një prej tyre - njerëzit shpesh duken të dyshimtë, ne duhet të jemi të kujdesshëm".
Në fakt, një nga pronarët, është një emigrant, dhe si është e mundur që ai vetë ndalon hyrjen në baza etnike të klientëve?
"Unë jam vietnamez, kështu që sigurisht nuk jam racist, tha Vien Thang, për gazetën lokale - fakti se janë dëbuar dy vajza shqiptare do të jetë vetëm një rastësi. Jo diskriminim”.
"Është vetëm një çështje e sasisë, - saktëson një tjetër bashkëpunëtor, - ideja është që të respektojmë raportin midis italianëve dhe emigrantëve të cilët në qytet. Pak ditë më parë ka pasur një luftë në mes të shqiptarëve të Kosovës. Ne nuk mund të lejojmë që gjëra të tilla si kjo të ndodhin në klubin tonë".
n.e/NOA
