Kaliforni, 7 nëntor NOA - Me çanta pazari, një veshje e shkurtër dhe krahët e mbuluara me tatuazhe. Rumer Willis vajza 23-vjeçare e Bruce Willis dhe Demi Moore, është fotografuar në dalje të një dyqani me krahët e saj të mbushura me tatuazhe dhe me balerina të veshura në këmbë. “Nuk arrij të kuptoj se si femrat ecin mbi taka, është diçka që nuk arrij ta praktikoj dot”, - deklaroi aktorja e re kohët e fundit, që gjithmonë ka pohuar faktin se ndihet ndryshe nga e ëma e saj sidomos në aspektin fizik. “Nuk kam trashëguar trupin e mamasë. Nuk kemi të njëjta forma dhe kur kam qenë e vogël nuk e pëlqeja këtë gjë por me kalimin e kohës u mësova me këtë fakt”, - shtoi ajo. Për tu theksuar se në këtë moment, kur e ëma Demi, është dobësuar tej mase, ngjashmëria mes tyre është “larguar” akoma më shumë. r.b/NOA
