Tiranë, 9 nëntor 2011, NOA- Policia e Tiranës dhe konkretisht komisariati i Policisë Nr.4 nisi procedimin penal për 5 minorenë të akuzuar për veprat penale të vjedhjes.
Personazhet e bandës së hajdutëve mbajnë inicialet: F.M, 13 vjeç, A.S, 13 vjeç, E.M, 15 vjeç, E.M, 14 vjeç, Xh.H, 14 vjeç, që të pestë banues në Tiranë.
Ata akuzohen pasi gjatë natës në rrugën “Teli Ndini’’, në bashkëpunim kanë vjedhur banesën e një shtetasi, ku kanë marrë 300 euro dhe 300 000 lekë, duke hyrë nga dritarja e banesës.
Po të njëjtët dyshohen se më parë kanë vjedhur në rrugën “Ferit Xhajko”, banesën e një shtetaseje, në Rrugën e Dibrës, kanë vjedhur kopshtin e fëmijëve nr.6, në rrugën “Myslym Keta“, kanë tentuar të vjedhin një bar kafe dhe në rrugën “Ali Baushi“, kanë vjedhur banesën e një shtetaseje.
Pas kapjes së tyre nga ana e policisë u sekuestruan në cilësinë e provës materiale dy leva hekuri për hapjen e dyerve të banesave, një kamera dixhitale tip “IVC”, e vjedhur tek kopshti nr.6, një orë dore e vjedhur në banesën e shtetases Lindita Demushaj.
a.y/NOA
