Romë, 8 nëntor 2011, NOA/ Arjola Ymeraj- Ndërsa pak më parë ka përfunduar takimi mes Kryeministrit italian Silvio Berluskoni dhe Presidentitt të vendit Giorgio Napolitano i zgjatur afro 1 orë, mësohet se kreu i qeverisë do të dorëhiqet. Pas këtij takimi në një njoftim të dalë nga Presidenca thuhet se kavalieri do të dorëhiqet pas aprovimit në parlament të ligjit për stabilitetin.
Nga ana e Presidencës thuhet se, “Shihet domosdoshmëria për tu dhënë përgjigje pritshmërive të partnerëve europianë, menjëherë pas aprovimit të ligjit për stabilitetin”.
Vetë Berluskoni është kundërpërgjigjur duke thënë se do të dorëhiqet vetën pas miratimit të ligjit për stabilitetin.
Parlamenti italian ka votuar pasditen e sotme buxhetin faktit të hartuar nga qeveria nën drejtimin e kryeministrit Berluskoni. Mësohet se 321 deputetë nuk kanë votuar buxhetin duke sinjalizuar humbje të ndjeshme të maxhorancës nga ana e kavalierit.
Ndërsa, 308 deputetë të tjerë i kanë thënë “po” buxhetit faktit, të miratuar në një situatë shumë kritike për Italinë dhe mbarë Eurozonën. Menjëherë pas votimit Kryeministri Berluskoni shkruan në një copë letër se se në votim ai është goditur nga 8 tradhëtarë. Mediat italiane japin videon në të cilën filmohet shkrimi i Kryeministrit italian si dhe më sipër është dhënë letra e shkruar prej tij.
a.y/NOA
Në foto: Letra e shkruar nga Berluskoni
