Berlin, 9 nëntor 2011, NOA - Zv.Kryeministri dhe Ministri i Punëve të Jashtme, Edmond Haxhinasto, me ftesë të Ministrit të Jashtëm të Gjermanisë, Guido Westerwelle, zhvilloi një vizitë zyrtare në Gjermani, me 8-9 nëntor 2011.
Lidhur me situatën në Shqipëri, Haxhinasto tha se ka patur zhvillime pozitive, duke nënvizuar angazhimin e opozitës në parlament, si dhe arritjet në fushën e ruajtjes së stabilitetit makroekonomik.
“Raporti i Komisionit Evropian,- tha ai,- është një Plan Veprimi, realizimi i të cilës zhvillon reformat në drejtim të integrimit evropian. Këto zhvillime, tha ai, besoj se do të merren ne konsideratë në takimin e dhjetorit të Këshillit të Ministrave të BE-së”.
Ministri Westerwelle tha se është në interesin strategjik të Evropës integrimi i Ballkanit Perëndimor në BE. Kjo është dëshmuar me Kroacinë dhe Gjermania ka një rol të rëndësishėm në këtë drejtim, rol të cilin do ta vazhdojë edhe me vendet e tjera. “Rajonin, - tha ai, - e shohim të një rëndësie strategjike në drejtim të proceseve të zgjerimit të BE-së”.
Lidhur me raport-progresin e Komisionit Europian për Shqipërinë, ai tha se raporti duhet të konsiderohet si një udhërrëfyes për politikën shqiptare, për hapat e mëtejshëm në drejtim të integrimit të BE-së.
a.q/NOA
