Vërmicë, 12 nëntor 2011, NOA- Pak çaste më parë ka nisur ceremonia e inaugurimit të 38 kilometrave të para të autostradës Vërmicë-Merdarë, e njohur ndryshe si pjesa kosovare e Rrugës së Kombit.
Në fjalën e mbajtur me këtë rast Presidentja e Kosovës Atifete Jahjaga u shpreh se, “Ndërtimi i autostradës është fillimi i ndërtimit të një vepre që shqiptarët dhe kosovarët e kanë dashur gjithmonë. Po tejkalohen barrierat e fundit që penguan lëvizjen e lirë për të qenë bashkë dhe për të ndërtuar gjithë urat e bashkëpunimit. Kjo autostradë është një çelës i rëndësishëm për shtetin tonë pasi afron më tepër dy popujt tanë”.
Më vonë pritet të mbajnë fjalën e tyre Kryeministri i Kosovës Hashim Thaçi dhe ai i Shqipërisë Sali Berisha si dhe Kongresmeni Amerikan Eliot Engel.
Autostrada Vërmicë- Merdarë shënon vazhdimin e Rrugës së Kombit nga Durrësi në Morinë.
a.y/NOA
