Tiranë, 14 nëntor 2011, NOA – Tre ekspertët e video përgjimit Meta – Prifti, pritet t’i japin sot përgjigje 27 pyetjeve të prokurorisë si edhe 7 pyetjeve të avokatëve të Ilir Metës. Dhënia e përgjigjeve pritet t’i japë fund ekspertizës së video-përgjimit dhe më pas do të vijojë me dëshmitë ku kryesorja do të jetë ajo e ish-ministrit të ekonomisë Dritan Prifti. Kolegji Penal i Gjykatës së Lartë rrëzoi 10 pyetjet e prokurorisë një seancë më parë, pasi sipas tij ishin sugjestionuese. Në këtë seancë organi akuzës u ka drejtuar tre ekspertëve shqiptarë që rrëzuan ekspertizën amerikane për video-përgjimin Meta Prifti 37 pyetje teknike, se si e kishin realizuar ata ekspertizën. Ilir Meta akuzohet për korrupsion në kohën kur ai kryente detyrën e zëvendës kryeministrit dhe ministrit të jashtëm, akuzë e ngritur në bazë të një video të regjistruar nga ish-ministri i ekonomisë Dritan Prifti.
a.q/NOA
