Tiranë, 15 nëntor 2011, NOA- Mbrëmjen e sotme është vetëvrarë me armë zjarri e vetëshpallura “Shenjtorja” Eleonorë.
Nga të dhënat paraprake nuk bëhen ende të ditura shkaqet që kanë çuar në këtë rast ndërsa thuhet se ka lënë një letër të shkruar për Zotin.
Burime zyrtare nga policia thanë për agjencinë e lajmeve Noa.al se ngjarja në fjalë ka ndodhur të “Komuna e Parisit” në banesën e kësaj të fundit ndërsa thuhet se në letër është shkruar, “më mirë të vrasë veten se të lë tokën e Zotit”.
Eleonora, njihet edhe si “shenjtorja” që mashtroi njerëzit.
“Shenjtorja” Eleonorë u bë mjaft publike në vendin tonë vitet e fundit, e cila pretendonte se kishte fuqi të mbinatyrshme për të zgjidhur problemet e njerëzve.
Për misionin e saj të shenjtë, të quajtur “Eleonore”, u hodhën hije dyshimi dhe akuza të rënda, ndërsa u bënë denoncime edhe nga një grup personash, të cilët paraqisnin fakte që sipas tyre tregonin mashtrimet e Eleonorës dhe përfitimin e shumave financiare.
a.y/NOA
