Tiranë, 16 Nëntor 2011 NOA - Ministria e Trashëgimisë dhe e Aktiviteteve Kulturore të Republikës Italiane ka vendosur hyrjen falas në Muzeumet Shtetërore për disa kategori ku përfitojnë dhe një pjesë nga Shqipëria.
Lajmi bëhet i ditur për agjencinë NOA.al, nga Ambasada e Italisë në Tiranë. Ajo konfirmoi se të gjithë gazetarët shqiptarë, mund të hyjnë në muzetë dhe mund të vizitojnë monumentet në territorin italian, pa asnjë pagesë.
Vendimi shtrihet edhe për pjesën e gazetarëve të cilët janë shtetas të vendeve anëtare të Bashkimit Evropian dhe të atyre me shtetësi nga vendet e tjera si Shqipëria, joanëtare të BE.
e.t/NOA
