Tiranë, 16 Nëntor 2011 NOA/ Ariola Ymeraj – I ashtuquajturi Oborri Mbretëror, ka dalë sonte me një njoftim zyrtar mbi gjendjen shëndetësore të pretendentit për fronin mbretëror, Leka Zogu i Parë, djali i ish-mbretit Zog.
“Familja Mbretërore lajmëron se N.M.T. Mbreti Leka I është shtruar dje, më dt. 15 nëntor 2011, në ora 17.00, në QSUT Nënë Tereza, në pavijonin e reanimacionit neurokirurgjik”, - thuhet në njoftimin zyrtar.
Kurse citohet se sipas drejtorit të shërbimit të reanimacionit, Prof. Mentor Petrela, “N.M.T. Mbreti Leka I po mjekohet për vuajtje multisistemike ku mbizotëron vuajtja e zemrës dhe e mushkërive dhe gjendja e Mbretit është relativisht e rëndë por nën kontroll dhe po merr terapinë e nevojshme”.
Në përfundim të njoftimit, Familja Mbretërore thotë se “falënderon ekipin mjekësor dhe stafin e QSUT Nënë Tereza për kujdesin dhe profesionalizmin që po tregojnë në dobi të përmirësimit të gjendjes shëndetësore të Mbretit Leka i”.
a.y/NOA
Lexoni gjithashtu: Leka Zogu i Parë, luftë me vdekjen në Neurokirurgji
