Fier, 21 nëntor 2011, NOA – Një elektricist me kombësi kroate dhe i punësuar në kompaninë CEZ ka humbur sot jetën. Ngjarja e rëndë ka ndodhur zonën naftë-mbajtëse, në Fier ku shtetasi Damir Qekuliç, me detyrë elektriçist po montonte linjën prej 20 kw. Gjatë punës ai ka rënë në kontakt me rrymën elektrike dhe për pasojë ka humbur jetën. Korrespondenti i agjencisë NOA.al raporton se, sipas informacioneve paraprake, elektricisti po punonte në nënstacionin e tensionit të lartë tek TEC-i në momentin kur ka rënë në linjën e tensionit dhe për pasojë trupi i tij është karbonizuar. Policia ka nisur hetimet për zbardhjen e plotë të ngjarjes.
a.q/NOA
