Tiranë, 22 nëntor 2011, NOA- Ditën e nesërme një grup shoqatash ngrihen në protestë para Kryeministrisë kundër dhunës në familje.
Në orën 11.30, kjo protestë organizohet nga rrjeti i shoqatave të shoqërisë civile, kundër dhunës me bazë gjinore, duke marre shkas edhe nga dy vrasjet e fundit, ndërsa priten aktivitete të tjera, të këtij lloji që do të shoqërojnë organizimet në kuadër të 16 ditëve kundër dhunës.
Në një deklaratë për mediat organizatat e shoqërisë Civile, shprehin tronditjen e thellë për rritjen e dukshme në 6 muajt e fundit, të rasteve të dhunës ekstreme në familje. Më tej theksohet se vetëm në vitin 2011, kanë humbur jetën 17 gra të vrara brenda familjes.
Në vijim theksohet se, mungesa e ndëshkueshmërisë penale për dhunën në familje çon në raste të tilla ekstreme. Në këtë linjë organizatat e shoqërisë civile kërkojnë që Këshilli i Ministrave dhe Kuvendi të shpejtojë, duke vendosur një vepër penale të posaçme në Kodin Penal, që të dënojë dhunën sistematike që shkel dinjitetin dhe personalitetin e anëtarëve të familjes, në mënyrë të veçantë të grave dhe fëmijëve.
Organizatat e shoqërisë civile që do të marrin pjesë në protestë:
Qendra për nisma ligjore qytetare
Linja e këshillimit për gratë dhe vajzat
Shoqata "Refleksione"
Qendra Aleanca Gjinore për Zhvillim
Strehëza për gratë dhe vajzat e dhunuara
Qendra "Në dobi të gruas shqiptare"
Forumi i pavarur i gruas
Partners, Albania
Qendra Vatra, Vlorë
Shoqata e Grave dhe vajzave me probleme sociale, Durrës
Agritra Vision, Peshkopi
Gruaja te Gruaja, Shkodër
Unë Gruaja, Pogradec
Qendra Kristal, Berat
Qendra Komunitare Multifunksionale Gjirokastër
Forumi i Gruas, Elbasan
Tjetër Vizion
Në Dobi të Gruas Shqiptare/QENDRA KOMUNITARE "SOT PËR TË ARDHMEN"- Durrës
Në Dobi të Gruas Shqiptare/KLUBI I GRAVE "RESPEKT"- Pukë
Në Dobi të Gruas Shqiptare/QENDRA KOMUNITARE "SOT PËR TË ARDHMEN"-Elbasan
Në Dobi të Gruas Shqiptare/QENDRA KOMUNITARE "LULET E MOLLËS"- Burrel
a.y/NOA
