Tiranë, 24 nëntor 2011, NOA- Abasada belge i ka dërguar një letër Ministrit të Brendshëm shqiptar Bujar Nishani në të cilën theksohet se ka një ulje të numrit të azilkërkuesve nga pala shqiptare.
Ka qenë Zyra e Bashkëpunimit Policor të Ambasadës së Mbretërisë së Belgjikës në Shqipëri e cila në letrën dërguar Nishanit shprehet se, “Falenderojmë në veçanti autoritetet shqiptare për kundërveprimin në një situatë krize me azilkërkuesit. Situata të tilla ndodhin dhe mund të ndodhin kudo, por e rëndësishme është identifikimi i burimeve dhe veprimi konkret”.
Në letrën e nënshkruar nga këshilltari i ambasadës belge për çështjet e brendshme, Nys Andre, thuhet se konstatohet një rënie e azilkërkuesve.
Bashkëngjitur me letrën, Zyra e Bashkëpunimit Policor të Ambasadës së Mbretërisë së Belgjikës në Shqipëri ka dërguar edhe një pasqyrim grafik të azilkërkuesve nga Shqipëria ku siç thuhet në letër “konstatohet qartë një rënie e pastër”.
Në letër shprehet bindja për vijueshmërinë e përpjekjeve dhe bashkëpunimit të ngushtë për këtë çështje shumë të ndjeshme.
a.y/NOA
