Tiranë, 26 nëntor 2011, NOA - 99 vjet më parë Tirana u shpall e pavarur pas 500 vjetësh pushtimi të otomanëve. Kryetari i Bashkisë se Tiranes Lulzim Basha ka nderuar sot këtë ditë të vecantë me një vizitë në familjen e Sali Shijakut. Basha tha se, sot nis sipari i 100-vjetorit të pavarësisë së Shqipërisë.
“365 ditët që vijnë janë përgatitje serioze për 100-vjetorin”, tha kryebashkiaku. Flamuri i Pavarësisë u ngrit për herë të parë në Tiranë, mbas 500 vjet sundimi otoman, në datën 26 nëntor 1912. Flamuri u ngrit në sheshin përpara Bibliotekës Kombëtare nga patriotët tiranas Abdi Toptani, Muhamer Pazari, Ibrahim Agalliu, Shefqet Ndroqi. Tirana u shpall kryeqytet në vitin 1920 me vendim të Kongresit të Lushnjës, ndërsa ishte themeluar për të qenë një qendër modeste shkëmbimesh për një popull bujk, që vuante mungesën e një tregu të afërt.
a.q/NOA
