Vlorë, 26 nëntor 2011, - Aktivistët e Alanca Kuq e Zi ardhur nga qytete të ndryshme të Shqipërisë u mblodhën sot në Shëshin Sheshin e Flamurit në Vlorë. Manifestimi u bë me rastin e Shpalljes së Pavarësisë së Shqipërisë 99 vjet më parë.
Kryetari Kreshnik Spahiu akuzoi politikanët shqiptarë për mosvazhdim të rrugës së paraardhësve të tyre.
“Ëndrra dhe aspirata e shqipëtarëve për bashkim kombëtar po përdhoset nga politika shqiptare që po hedh në treg territoret e saj. Kush kryeministër në Shqipëri ka qenë si Luigj Gurakuqi?”, tha Spahiu. Ai tha se AK do të vazhdojë rrugëtimin e saj në Prishtinë duke bashkuar të gjithë shqiptarët Kuq e Zi dhe injoruar çdo flamur politik që tenton të çkombëtarizojë popullin shqiptar.
“Në këta 99 vjet ndryshuan territoret. 99-shat e Shqipërisë i bëjnë të 99-tat shqiptarëve. Nuk vazhduan ëndrrën e Ismail Qemalit, kemi kudo shqiptarë që vriten, qeveritarë që luajnë kumar, piramida, mafja çka na lë të fundit në Europë. Nuk ishte kjo ëndrra e Ismail Qemalit. Ne jemi sot në këtë rrugëtim. Flamuri kuq e zi nga sot deri në 28 Nëntor 2012 do rrugëtoje drejt Prishtinës. Viti 2012, fundi e ëndrrës së atyre që shkatërruan ëndrrën e shqiptarëve”, tha Spahiu.
a.q/NOA
