Vlorë, 27 nëntor 2011, NOA – Pasditja e të dielës ka qenë fatale për një çift nga Vlora, të cilët janë gjetur të vdekur në shtëpinë e tyre në periferi të Vlorës, nga i biri, raporton korrespondenti i agjencisë së lajmeve NOA.al.
Mësohet se dy viktimat janë 50-vjeçari Avni Bezhani dhe bashkëshortja e tij Myzejen Bezhani 49-vjeçe.
Ka qenë djali i dy viktimave, që i ka gjetur të vdekur prindërit e tij kur është kthyer në shtëpi.
Dyshohet se Avni dhe Myzejen Bezhani kanë gjetur vdekjen të asfiksuar nga gazi.
Djali i tyre ka lajmëruar policinë, e cila ka nisur hetimin e ngjarjes së rëndë.
Janë të shpeshta vdekjet si shkak i asfiksisë nga gazi, për shkak të përdorimit të parregullt të ngrohësve me gaz apo edhe të bombulave për të gatuar, aq më tepër që përdorimi i gazit është rritur për shkak se energjia elektrike ka çmim të shtrenjtë e nuk përballohet nga xhepat e konsumatorit.
mit/NOA
