SHBA, 28 Nëntor 2011 NOA/ R.Bulku - Xbox Prestige është një koncept tepër interesant që është shfaqur në Yankodesign. Ai është realizuar nga Joseph Dumary që ka nënshkruar dhe një koncept tjetër interesant për Playstation-in e së ardhmes.
Në një galeri fotosh ai është prezantuar për të gjithë të pasionuarit e kësaj video-loje, me një dizajn që kujton një libër, i gjithi i zi dhe me një buton kryesor jeshil të shndritshëm.
Sipas filozofisë së ideatorit të tij, koncepti i Xbox Prestige ka paraprirë atë model i cili mund të jetë një trend tek video-lojërat e së ardhmes.
Ideja është ajo e zëvendësimit të disqeve klasike me vetë memorien e brendshme që do të pajiset Xbox, raporton agjencia e lajmeve NOA.al.
Prestige, që me sa duket do të ketë një memorie prej 2TB dhe shërbimet e “Xbox cloud”, mund të shkarkojë praktikisht çdo gjë.
Është hipotetizuar një skedë teknike tepër e fuqishme për këtë aparaturë me procesor tetë core, suport 3D dhe 4kHD. Megjithatë nuk përfundon me kaq pasi Xbox Prestige pritet të jetë i pajisur dhe më një cip GPS dhe sportin multiTV (DPConnect).
r.b/NOA
