Empoli, 27 nëntor 2011, NOA- Dy persona u prangosën për drogë dhe për rezistencë ndaj punonjësve publikë, të akuzuar edhe për vjedhje.
Bëhet fjalë për dy shqiptarë ku njëri prej tyre përfundoi në polici pasi u gjet nën drejtimin e një makine të vjedhur, ndërsa tre bashkëpunëtorët e tij ia dolën të fshiheshin pavarësisht kërkimeve të gjata, e bashkëpunëtori tjetër u kap pak kohë më vonë.
Ngjarja në fjalë ka ndodhur në Fucechio, ku efektivët e policisë italiane ndaj të gdhire panë katër vetë në një makinë tip Audi të vjedhur në Padova.
Pasi pikasën se po i ndiqte policia katër personazhet e ngjarjes filluan të vraponin nëpër fushat aty pranë, ku tre u arratisën e njëri ra në duart e policisë.
Gjatë kontrollit në makinë u gjetën pajisje që ndihmonin për grabitje si trapan, çelësa kaçavidë, leva dhe kapuçë të zinj.
Për orë të tëra vijoi kërkimi i të arratisurve ndërsa në ndihmë për kapjen e tyre u përdorën edhe pajisje të forcave zjarrfikëse.
Siç informon agjencia e lajmeve NOA.al i ndaluari është një 27 vjeçar shqiptar me iniciale H.R, ndërsa kërkimet vazhduan edhe në shtëpinë e këtij të fundit.
Gjatë këtij kontrolli u gjetën pajisje elektronike që përdoreshin për të organizuar vjedhjet 4 kompjutera, 1 kamerë, 2 aparate radiomarrëse, 4 telefona celularë dhe disa kopje çelësash të dyerve të blinduara, përveçse 30 gramë kokainë të vilat u shfaqën befas.
Mësohet se njëri nga të arratisurit ishte edhe një 24 vjeçar shqiptar me iniciale I.A i cili jetonte bashkë me të ndaluarin por që edhe ky përfundoi pas hekurave të burgut.
Ndërsa nga ana e policisë po vijojnë hetimet dhe kërkimet për kapjen e pjesëtarëve të tjerë, u konkludua se nga të dhënat dy të ndaluarit ishin hajdutë profesionistë.
Sakaq makina me të cilën udhëtonin hajdutët tip Audi A6, e vjedhur më 15 nëntor në Mestrino iu kthye pronarit të ligjshëm.
a.y/NOA
