Trani, 28 nëntor 2011, NOA- 21 vjeçari Ani Sako ka rënë në prangat e policisë italiane i akuzuar për grabitje në kushte të rënduara.
Siç informon agjencia e lajmeve NOA.al i riu i moshës 21 vjeçare banues në Trani akuzohet për grabitje në kushte të rënduara, mbajtje pa leje të armëve dhe dhunim të privatësisë.
Për të denoncuar personin në fjalën ë numrin e policisë italiane mbërriti një telefonatë e një zonje e cila thoshte se ajo së bashku me dytë tjerë ishin grabitur teksa po mbyllnin lokalin, nga një makinë Ford me në bord disa të rinj.
Pak çaste më vonë patrulla e policisë pikasi makinën në fjalë me në bord një të ri me iniciale L.M dhe pas kontrollit i riu u shoqërua në komisariat.
Fatmirësisht pronari i barit rrëfeu në polici se lokali i tij ishte grabitur pak para se të mbyllej në orën 3.30 ndaj të gdhire nga dy të rinj të seksit mashkull të cilët e mbanin fytyrën e mbuluar me kapuç.
Falë sistemit të kamerave të sigurisë brenda barit, u zbardhën filmimet duke u shfaqur imazhet të cilat ndihmuan që të njiheshin me siguri dy të kërkuarit e kësaj ngjarje të cilët kishin kryer grabitjen.
Forcat e policisë pas dëshmisë së të ndaluarit dhe pamjeve të kamerave të sigurisë identifikuan njërin nga grabitësit i cili mban emrin Ani Sako dhe shkuan për të kontrolluar në shtëpinë e tij në praninë e këtij të fundit ku u gjetën armë si dhe veshje të përdorura para dhe pas grabitjes.
Sakaq i riu tjetër me iniciale L.M, pronar i makinës që u përdor për tu arratisur rrëfeu në polici se ishte kërcënuar nga dy djemtë te tjerë të cilët kërkonin që ky i fundit ti shoqëronte në barin që u grabit .
Nga hetimet e mëtejshme u vërtetuan thëniet e të riut, i cili u lirua dhe po hetohet në gjendje të lirë, ndërsa Ani Sako përfundoi në burg, bashkëpunëtori i tij është shpallur në kërkim.
a.y/NOA
