Kukës, 30 nëntor 2011, NOA – Një numër i madh makinash janë përplasur në një aksident të ndodhur në orët e para të mëngjesit në Kukës, në hyrje të tunelit Rrëshen-Kalimash, raporton korrespondenti i agjencisë së lajmeve NOA.al.
Gjatë aksidentit janë plagosur disa persona, por asnjëri në gjendje të rëndë për jetën.
Nuk dihet ende numri i të plagosurve, që janë dërguar për mjekim në spitalin e Kukësit.
Kjo është ajo çka bëjnë me dije forcat e policisë të mbërritura në vendngjarje.
Sipas të dhënave aksidenti ka ndodhur në kthesën, që lidh rrugën e vjetër përdrejt Kukësit me rrugën e re, pra shumë afër tunelit të Kalimashit.
Policia thotë se shkak për përplasjen e makinave është bërë mjegulla e dendur dhe ngricat në rrugë.
Si pasojë e aksidentit është bllokuar edhe qarkullimi normal në autostradën Durrës-Kukës.
mit/NOA
