Tiranë, 30 nëntor 2011, NOA - Ambasadorja Britanike Fiona McIlwham vlerësoi se BE-së nuk i mjaftojnë fjalët, por progresi në reforma.
“Puna e komisionit per reformën parlamentare është tepër e rëndësishme: është jetike për të çuar përpara procesin e integrimit në BE; është jetike për demokracinë në Shqipëri”, u shpreh ajo në në deklaratë për shtyp.
Ambasadorja vlerëson se deputetët e përfshirë në keto grupe, si edhe kryetarët e partive të tyre kanë tani një mundësi të rëndësishme për të provuar që skeptikët e kanë gabim dhe të tregojnë progres.
“Dhe për t’i treguar partnereve ndërkombëtare dhe publikut shqiptar se, ata janë të angazhuar për reformat demokratike. Fotot e rastit, shtrëngimet e duarve apo fjalët nuk do të mjaftojnë. Nëse Shqipëria do të arrije statusin kandidat, neve - partnerët dhe miqtë nga Bashkimi Europian – kemi nevojë të shohim progres urgjent dhe te besueshëm në keto reforma kyçe”, thekson ambasada britanike në njoftimin për shtyp.
Sipas diplomates, Mbretëria e Bashkuar, dëshiron t’a shohë Shqipërinë të ecë përpara me integrimin në BE në muajt e ardhshëm. “Ne jemi të gatshëm të mbështesim me asistencë teknike punën e këtyre grupeve të reformave, por vetë shqiptarët duhet të drejtojnë procesin. Jam e inkurajuar nga ajo çfare pashë sot”, përfundon qëndrimi zyrtar i ambasadës britanike në Tiranë.
a.q/NOA
