Tiranë, 30 nëntor 2011, NOA- Nëpërmjet një komunikimi për mediat, Bashkia e Tiranës ka falenderuar qytetarët e Tiranës, Shqipërisë, Kosovës dhe mbarë trojeve shqiptare, që pa dallim bindjesh politike u bashkuan në Tiranë për të festuar si kurrë më parë ditën më të rëndësishme të historisë kombëtare.
Siç informon agjencia e lajmeve NOA.al ka qenë zëdhënësja e Bashkisë, Anila Bisha e cila u shpreh për mediat se, “Fatkeqësisht kjo frymë festë dhe bashkimi po përballet me avazin e vjetër të përçarjes dhe konfliktit politik që Edi Rama i verbuar nga xhelozia për atmosferën në Tiranë, ju rikthye sërish dhe zhgënjyeshëm. Akuzat absurde dhe qesharake janë thjesht dhe vetëm shpifje që u lëshuan si rrjedhojë e këtij mllefi. Edhe pse zoti Aldrin Dalipi ishte vetëm zëdhënës i xhelozisë dhe mllefit të zotit Rama, e informojmë se ndaj tij do të depozitojmë në Gjykatë një padi për shpifje”.
Në përfundim Bisha ka siguruar qytetarët se këto akuza qesharake nuk do të pengojnë aspak përgatitjet e Bashkisë për t’i dhënë Tiranës një atmosferë të veçantë festive në këtë fundviti.
a.y/NOA
