Tiranë, 2 dhjetor, 2011, NOA – Kreu i Partisë Socialiste ka propozuar pak minuta më parë kandidatët për Kryesinë e selisë rozë. Rama u shpreh se do të ketë një përfaqësim të denjë të grave dhe burrave. Ai u shpreh se Kryesia do të marrë parasysh një sërë kriteresh që synojnë një përfaqësim sa më të denjë.
“Janë tre nivelesh kandidaturash që duhet të vlerësohen; anëtarët dhe anëtaret e Kryesisë aktuale, deputetët që krijuan kushte shpirtërore dhe organizative në zonat e tyre elektorale, të zgjedhur vendorë që i vunë thekse të forta fitores sonë në 8 maj dhe që duhet të kenë më shumë përgjegjësi në zgjedhjet e ardhshme, si dhe disa individ që duhet të kenë vlerësim”, tha Rama.
Ai u shprehe se kryesia e kaluar ka pasur mjaft probleme. “Kryesia e shkuar kaloi një paralizë, por përgjegjësia është sa e secilit dhe aq e përbashkët, duke nisur nga unë”, tha Rama.
Kandidati për kreu e Asamblesë
Gramoz Ruçi
Gratë kandidate për Kryesinë
Arta Dade
Adelia Farrici
Eglantina Gjermeni
Irena Kallco
Mimi Kodheli
Burrat kandidatë për Kryesinë
Namik Dokle
Ben Blushi
Arben Isaraj
Erion Brace
Arben Malaj
Hetem Ruka
Namik Kopliku
Ditmir Bushati
Niko Peleshi
a.k/NOA
