Tiranë, 1 Dhjetor 2011 NOA - I menjëhershëm ka qenë reagimi i Kryetarit të PS pasi Transparency Interancional Albania publikoi indeksin e perceptimit për korrupsionin.
Sipas të dhënave të TIA-s Shqipëria ka zbritur shkallët në indeksin e perceptimit të korrupsionit nga e 89 që renditej në 2010 në vendin 95 në vitin 2011, raporton agjencia e lajmeve NOA.al.
Kryetari socialist Edi Rama duke përdorur edhe sot faqen e tij zyrtare në rrjetin social Twitter shkruan se vendi tashmë është në pikiatë dhe shton:
“Është domosdoshmëri një rilindje, duke iu referuar Programit të ri të PS: “Shqipëria pikiatë në renditjen e Transparency International. Vendi më i korruptuar i Europës. Emergjence për një Rilindje Shqiptare!”.
Rama vë në dukje se Shqipëria këtë vit renditet në vendin e 95-të, së bashku me vende si Tonga, Kiribati e Suazilandi. Ky indeks mat perceptimin e korrupsionit në sektorin publik për 183 vende.
e.t/NOA
Ndiqni videokroniken mbi raportin e TIA
